成熟婦人
內地嘅桑拿行業花樣百出，除咗定期會推出大家諗都未諗過嘅新玩法之外，按摩技師不時推陳出新，當中不乏樣靚身材好嘅俏技師。亦因為呢個原因，江山代有人才出，好多年紀大咗嘅技師被淘汰。不過，為咗生活，佢哋依然要自力更生。
近日天氣回暖，簡直令人覺得春回大地，生機勃勃，所以好多公園都有人出嚟感受春天氣息，海南省海口市嘅東湖公園都同樣有不少市民遊覽風景，而於東湖公園中心嘅湖心島就更加春光無限喇！因為，呢處坐咗好多打扮妖艷嘅中年婦女，據聞佢哋不但風韻猶存，仲態度親切，而且來自當地嘅大小骨場，擁有一手高超按摩技術，相信佢哋正係一班被年輕技師淘汰嘅中女技師喇！點解佢哋會喺呢度出現呢？仲有咩點解吖！佢哋聯群結隊而至，唔通真係諗住欣賞湖光山色，又或者安坐樹蔭下睇報紙咁簡單咩！咪係為咗搵食囉！
即場按摩
一位經常到湖心島遊覽嘅何先生表示，近期時不時都見到一班中年婦女幫人按摩，何先生話：「東湖公園自從整治完畢之後，我時常都喺早晨以及晚上帶小朋友嚟呢度走一走。有時候，我亦會順便行到去公園中央嘅湖心島睇風景，不過最近就成日見到一啲中老年男子坐喺樹下，身邊就有一個中年婦女幫佢哋按摩，本來我都覺得人哋一邊睇風景，一邊按摩，絕對有益健康，完全冇問題，不過有一日下午，我就見到正享受按摩嘅中年男子，將手伸入按摩女件衫入面細意探索一番。」
事實上，呢班中年按摩女並唔係提供正宗正派嘅按摩服務，因為每次按摩只收10至20蚊人仔，所賺有限。所以，按摩女一遇到獵物，就會即刻又嗲又哄，而且不時以淫聲浪語挑逗對方，務求令對方慾火高漲，情不自禁伸出祿山之爪，甚至主動索價，要求進一步服務。
廢樓解決
去到湖心島，可以發現一班中女技師坐喺長櫈好寫意咁歎報紙，當有年輕男人行過嘅時候，佢哋依然無動於衷。不過，一有中老年男子經過，技師就會蜂擁而上，同佢哋大談養生之道，仲會借意將身體不斷向阿叔阿伯碰撞添！而中女技師之所以以中老年人作目標，其實係因為中老年人生活苦悶，上釣機會較大，而且佢哋動作緩慢，唔會好似年輕人咁粗野，服侍起上嚟亦更加輕鬆。
而成功搵到叔伯幫襯按摩服務之後，中女技師除咗會任由老細上下其手，仲會暗示可以提供進一步服務。不過，當大家傾好價錢之後，去邊度解決好呢？大家都知啦！中老年人唔係成日都可以保持狀態㗎！若然要去到遠離公園嘅時鐘酒店解決，分分鐘未去到阿伯就轉軚走人。然而，中女技師梗係有門路啦！因為，離湖心島不遠處有一棟廢棄咗嘅三層高樓房，呢度人煙稀少，就算入去解決慾火都絕對冇人睇到，所以技師就會將阿伯帶到呢處進行性交易。
撰文：賢