本文重點
【本報綜合報道】向來風流成性嘅「波神」米高佐敦，近年返璞歸真玩專一，自從
掂古巴名模比雅杜之後，兩人戀情由水底浮上水面，經常出雙入對任影唔嬲！日前美國著名網站MediaTakeOut就爆料，指「波神」轉身射個三分波，搞大咗比雅杜個肚又有機會再做爸爸，估唔到退休多年之後，MJ命中率仲係咁高！
掂古巴名模比雅杜之後，兩人戀情由水底浮上水面，經常出雙入對任影唔嬲！日前美國著名網站MediaTakeOut就爆料，指「波神」轉身射個三分波，搞大咗比雅杜個肚又有機會再做爸爸，估唔到退休多年之後，MJ命中率仲係咁高！
據網站爆料，得悉佐敦造人成功，全因比雅杜個表姐爆響口！話說佢知道比雅杜獲得「神之子」後，即興奮過度通街唱，結果咪揚開晒囉。雖然佐敦叫做退咗休啫，但查實佢今年只得四十六歲，正屬壯年，繼續生產「神之子」絕唔出奇，何況佢咁愛比雅杜，冇理由唔想同佢製造愛情結晶品。
06年離婚唔見13億
亦因為咁，有指兩人將會奉子成婚，佐敦再度成為老襯。但基於佐敦○六年離婚時先畀前妻分完身家，足足唔見咗一億六千八百萬美元（約十三億港元）咁多，所以難免令佐敦有「結婚恐懼症」，但若然佢真係做爸爸嘅話，都難免要同比雅杜拉埋天窗㗎啦。
未來「神婆」小資料
比雅杜（Yvette Prieto）
年齡：30歲 國籍：古巴 職業：模特兒
歷史：○二年曾申請破產、前男友係西班牙歌星Julio Iglesias Jr.