食物及衞生局尋日終於話會修例禁止電子煙入口，但只係禁賣，唔禁止吸食，單純管有亦唔違法，被炮轟管啲唔管啲，亂晒大龍，當局就解釋話唔想太擾民，但有立法會議員就批評條例根本係無牙老虎。老實講，年前坊間已有好大嘅聲音要求禁電子煙，最近亦有批評食衞局局長陳肇始歎慢板，依家話修例嘞，但就只係搵個副秘書長出嚟講，陳肇始連影都唔見，唔知係咪自知條例太多疏漏，驚畀人鬧，所以避風頭呢？如果真係咁，佢就太縮骨嘞！
