政情：公民講場：管治亂象爆不停 「有問題屬錯覺」 張建宗真無恥

近年政府接二連三出現政策失誤，例如監管不力導致沙中線工程爆出連串醜聞、派發關愛共享基金四千蚊搞到一團糟、收緊長者綜援申領門檻等，統統搞到天怒人怨，各官員要頻頻補鑊，原來年薪幾百萬嘅高官係用嚟補鑊嘅。可惜班官不知恥，好似政務司司長張建宗尋日竟然話「希望社會唔好有政府管治出現問題嘅錯覺」，仲死撐政府有好多突破措施添。查實市民不滿可謂情理之中，如果咁都算係錯覺，班官最好去驗吓個腦同雙眼有冇問題，不過自己畀錢睇私家醫生好喇。