政情：公民講場：病人分流 隔靴搔癢 梁智仁後知後覺

流感高峰期令公立醫院前線醫護做到嬲爆，多個醫護組織相繼舉行申訴大會，向醫院管理局表達不滿。醫管局主席梁智仁尋日話，地方及人手呢兩大問題難以短時間內徹底解決，當局將盡快將部分病人移到復康醫院空置病床，亦已盡量聘請兼職醫生幫手。公立醫院嘅問題冰凍三尺，非一日之寒，神隱多時嘅梁智仁一路冇知覺，依家出嚟講啲隔靴搔癢嘅說話，真係畀佢激到病。