街頭紮營 將軍澳驚現外傭「度假區」
【本報訊】騎呢事情日新月異，露營不再局限在郊外。有網民在社交平台貼文，指區內有外傭在街頭搭起大小各異的營帳，令行人路搖身一變成為「度假區」。事件引起網民熱議，有人怒斥在街頭紮營阻街實屬不當，惟亦有人覺得問題不大，認為「自律，唔影響到人冇乜所謂」。
網民意見兩極
事件發生於將軍澳坑口一帶。從網民上載的照片可見，區內一所中學旁的小巷布滿十多個帳蓬，令該處儼如一個露營勝地。帳篷排列相當有條理，未見有雜物被棄置街上。記者到現場視察，發現區內多個地方亦有「營區」，包括將軍澳單車館草地及唐明街公園天橋底等，合共營帳逾一百個。紮營者以外傭居多，亦有港人趁假日一家大細一起耍樂。
網民了解事件後，看法兩極，有人怒斥街頭紮營行為阻街，影響他人，「食環署人員到未？阻街呀」，「好多姐姐依家都係咁，將軍澳已經變左第二個皇后像廣場。」亦有人表示支持，並認為只要自律進行便沒有問題，「幾好丫，有秩序，個位又唔阻到人」，「好自律，抵讚，冇嘈吵，好少人行的小路，冇阻街，冇整污糟地方。放假畀人休息下囉！」