政情：公民講場：前局長蕭偉強：做好長者福利 非任內可完成

政府收緊申領長者綜援門檻惹起全城怒插，急推「補鑊金」救亡。呢項政策係上屆政府「遺物」，時任特首於一七年一月十八日發表施政報告時對外公布，當時嘅勞工及福利局局長蕭偉強啱啱由副局長升呢署任局長幾日，事關時任勞福局局長張建宗署任政務司司長，取代宣布競選特首而去職嘅林鄭月娥，蕭其後做局長直至同年六月底。佢尋日出席活動時話，當年原本建議做好其他長者福利先推行，不過唔係自己任內可以完成嘅工作喎！明顯係講「風涼話」喇！就算擔正做局長只係幾個月，但係佢都做咗副局長幾年，一樣有決策力，依家留低隻鑊邊個孭先？