港鐵沙中線紅磡站擴建工程爆出削筋醜聞，港鐵上周開始鑿開石屎檢驗，結果發現多處檢測地點螺絲頭扭入螺絲帽嘅長度唔合格。立法會議員田北辰就話，按目前唔合格嘅比例推斷，工程造假程度達到「離譜」程度，該站安全「凶多吉少」；另有議員甚至話最壞嘅情況係應考慮拆卸重建。紅磡站擴建工程係咪要起過暫時未知，但就一定醜出國際，睇嚟運輸及房屋局局長陳帆嘅仕途亦都係凶多吉少，就算問責下台都難以平息民憤。
