政情：消防處力推「任何仁」被嘲似AV角色

「任何仁」由真人穿上一件藍色特技衣，連個頭都包實晒，有網民直言好有「膠」嘅感覺。消防處指，「任何仁」係想帶出「任何人都可以救人」嘅意思，可惜網民明顯「唔buy」，其造型照在網上流出後更遭瘋狂恥笑。

網民：將安全套笠上身

有人形容其外形有如「將安全套笠上身」，亦有人戲謔佢有如成人影片中嘅「隱形人」角色：「嘩，根本係AV嚟喎！」而「任何仁」嘅真身亦引起網民猜測：「唔知會唔會真係消防員扮嘅呢？」但亦有人頂唔順，話「點解唔正正經經搵個消防急救大使？搞到古靈精怪咁。」

素來鍾意玩角色扮演嘅立法會議員田北辰都忍唔住喺Facebook貼文，話自己咩都扮過，可以扮到任何人，但就冇試過扮「任何仁」喎！