政情：公民講場：垃圾徵費謝展寰卸責叫鄰舍施壓

垃圾徵費最快兩年後落實，但環境局似乎仲未諗到點對付唔使用指定垃圾袋嘅人，副局長謝展寰尋日仲話，應該由隔籬鄰舍施壓，之後先由管理公司向政府舉報喎。有人唔用指定垃圾袋，應該由環境局執法，但謝展寰竟然將個責任推卸畀市民，叫鄰舍施壓即係互相監察，甚至變成互相批鬥，隨時搞到鄰里關係變差，萬一鄰居因此大打出手，恐怕到時執法最多嘅係警方先真，呢個垃圾政府同成班庸官都唔知用咩腦諗嘢。