街坊惋惜：日前見藍腳腫拖住嚟行
【本報訊】由昔日大台花旦至淡出娛樂圈，八年前遷入馬坑邨過着避世生活般的藍潔瑛，邨民及街坊初時均對這位非一般的鄰居議論紛紛，尤其是當初藍搬來時行為怪異，對她突然無故大叫更是有所微言，「生人勿近」。惟近年藍的情況好轉，出入均與鄰居打招呼，她最愛吃茶餐廳的雪菜肉絲炆米加杯凍檸茶，有街坊指前陣子「見過佢，隻腳腫拖住嚟行！」對她遽然離世，均表愕然及惋惜。
近年精神飽滿 出入打招呼
據良馬樓互助委員會主席古生指出，早前才在大廈大堂見過藍，當時不覺她有異樣，詎料昨日傳來其死訊，實在難以置信。他憶述，藍於數年前遷入時，精神有點不穩，不論日夜都在家中失控大叫，且自言自語，形容即使相隔五層樓都聽到，甚至乎出街坐車，她都會突然無故大叫。街坊起初雖有微言，但最後均體諒及包容她，沒有作出投訴。至最近兩年，藍的狀況大有改善，精神飽滿又有禮貌，未見行為怪異，出入會與人打招呼，友善又有人緣，因此街坊都對她改觀。
由於藍潔瑛生活拮据，古生指：「有影迷會煲飯佢食，仲要係日日煲，好難得，我聽人講，佢食完之後啲碗唔洗，擺埋一邊，影迷見到堆咗啲碗喺度，又會攞番去洗」。古太則補充：「佢好靚女，行路好慢好溫柔，食嘢嘅時候慢慢歎，成日買咗嘢食之後，會坐喺海邊啲枱慢慢食，好優雅」，她又懷念藍在電視及電影中的美麗身影。
愛歎雪菜肉絲炆米 凍檸茶
另外，距離藍住處不遠的一間茶餐廳，更成為了她摯愛的飯堂，據姓范廚師憶述，藍經常光顧下午茶，愛吃雪菜肉絲炆米及飲凍檸茶，她又愛坐在門口的露天位置用餐，一坐便是個多小時，最後抽一支煙才結帳離開。范憶述：「佢幾日前先嚟過，當時見到佢隻腳腫，拖住嚟行」。赤柱商會主席兼馬坑街坊會商務主任方子乾則指出，「佢成日出嚟行吓，街坊知佢唔開心，有睇實佢，但冇上前騷擾佢，平時都有社工或者影迷去睇吓佢，我五日前先見過佢，隻腳腫，可能身體有問題」。他對於藍的離世深感難過，並指稍後會與區議員溝通，不排除會辦悼念活動。
