外界估計「明日大嶼」填海計劃嘅造價隨時要一萬億元，政府都話要考慮發債，引起公眾嘩然，極力反對。發展局局長黃偉綸連日澄清話，估計總工程造價約一千三百億至一千五百億元。佢日日都咁講，好似想向市民洗腦咁，但大家如果心水清，自不然會諗起廣深港高鐵香港段造價都要八百幾億元，對於填海，有指淨係買海沙連同運費嘅開支最高都要近六百億元，到底千幾億元嘅所謂造價，係咪填完得塊地，完全未計基建同接駁交通，大家心裏有數嘞！
