政情：公民講場：個人資料洩不停 張建宗針唔拮肉唔知痛

國泰航空及其子公司港龍航空外洩全球九百四十萬名乘客資料，唔少港人都「中招」，成為私隱被洩嘅受害者。其實早前本港都有旅行社疑遭黑客入侵電腦系統，令客戶資料被盜，就連選舉事務處都曾因遺失電腦，搞到三百多萬名選民個人資料有外洩危機。政務司司長張建宗（小肥張）尋日話，會參考外國經驗，睇吓有冇空間收緊條例，唔排除會研究進一步規管。唔知今次小肥張同一眾高官係咪都中咗招呢？不過無論係咪中招，都反映政府後知後覺，真係針唔拮到肉就唔知痛。