中環出更：黎智英李柱銘又攪局 西半山歎私房菜
壹傳媒黎智英（漢奸黎）與同屬「搞事四人幫」、有「李漢奸」之稱嘅民主黨創黨主席李柱銘經常密會。最近立法會復會冇耐，民主派已經就港鐵四線齊冧、沙中線醜聞、颱風山竹善後工作欠佳、明日大嶼填海計劃等多線狙擊政府，而漢奸黎咁啱又喺呢個時候攪局，同李漢奸等人去西半山一幢住宅大廈內食私房菜，唔通佢哋又打算藉立法會平台搞風搞雨？
陳淑莊亦為座上客
漢奸黎尋日傍晚大約六時乘坐其座駕由何文田住宅出發，經西隧過海去西半山，到屋蘭士里一幢住宅大廈樓下停低，漢奸黎就徑自上樓準備食私房菜。而佢屋企嘅「御廚」早喺中午時分已經離開黎宅，唔知係咪都係為呢一餐做準備工夫喇。而同漢奸黎齊齊歎私房菜嘅仲有李漢奸夫婦、公民黨立法會議員陳淑莊等幾名男女添。
未開席之前，漢奸黎就喺屋內睇咗一陣牆上嘅字畫。李漢奸唔知係咪百無聊賴，就喺屋內來回踱步，一副冇嘢做、等開飯嘅樣。漢奸黎逗留至晚上九時四十五分先行離開，聚會密斟咁耐，又唔知商量咗乜嘢攪局大計喇。
卓妮