港府提出實施垃圾徵費多年，搞咁耐終於話明年會實施，但係相關嘅條例草案都仲未見影，尋日唔少立法會議員喺環境事務委員會上鬧爆環境局歎慢板。其中議員陳克勤就講番之前政府推出「四電一腦」時，搞到亂晒大龍，周街都係大型電器垃圾，擔心搞垃圾徵費後會變成垃圾圍城喎！講就咁講，但係正所謂「經一事長一智」，希望環境局局長黃錦星吸取教訓，唔好將香港變成「臭」港喇！
