山竹襲港逾月，外界猛烈批評政府善後工作不力，枯樹未清。政務司司長張建宗尋日出席一個活動時更自爆，山坡上仍有為數約二萬噸塌樹未處理。點解佢咁老實，無端端自揭政府無能嘅瘡疤？原來本周三佢將出席立法會大會交代最新情況，到時要面對三條口頭質詢同兩條書面質詢，問及有關山竹善後問題，難怪佢自我引爆先，費事到時一次過爆鑊，仲傷啲啦！
