【本報訊】由今年五月底爆出紅磡站月台造假事件開始，潘焯鴻眼見涉事者不斷「講大話」，決意挺身而出、撥亂反正，隨着事情愈演愈烈，港府最終「跪低」，成立獨立調查委員會調查事件以釋公眾疑慮。他認為，有人企圖以謊言去遮掩事實是愚蠢的行為，亦有違商業道德；而自己堅持「講真話」雖曾感孤單，但原來工程界仍有不少支持聲音。
潘焯鴻親歷本港多年來良好的工程監管制度崩壞，不解為何有人寧願不斷講大話，也不開誠布公，「有啲Party（參與者）不停向公眾講大話，話無呢件事，咁商業上道德係錯，如果呢一刻講大話，係好愚蠢嘅行為」。
他慨嘆，鎂光燈下的中科興業是孤立無援的，「點解要講大話啫？咁我講真話啦，但我發現愈講真話嘅時候，我哋就變得愈孤獨」。幸好私底下，於工程界中聽到不少支持聲音，「（佢哋）會私底下畀料（資料）我，但喺佢哋角度睇，唔會想蒲面（露面）」。
面對反對聲音，潘亦處之泰然，依舊認為堅持講真話，才是拯救自己的最好良方，故他堅持「件事一定要查個水落石出，唔可以有人喺度逃避責任。如果十年，廿年後出問題，我哋就係嫌疑人，咁唔只為公義，係為公司，我哋冇得揀。」