政府提出「明日大嶼」嘅填海計劃之後，惹來社會狠批。尋日西貢區議員張美雄喺區議會會議上，鬧爆政府喺颱風「山竹」襲港後嘅善後工作馬虎，話「連小小海濱長廊都搞成咁，叫市民點信政府搞得掂大嶼山人工島？」講開又講，山竹襲港都就嚟一個月，發展局局長黃偉綸有份落區做騷清理樹木殘枝，但係市面仲未回復正常，家陣佢又要搞大嶼山人工島，掂唔掂㗎？
