港府上年宣布發展智慧城市，不過一年過去，電子身份認證等項目仍只聞樓梯響，智慧燈柱得幾支落地，出任天大研究院香港政策研究中心主任嘅立法會前秘書長吳文華尋日發表一份報告，批評香港嘅創科政策無統籌兼唔連貫。協調工作理應係創新及科技局嘅職責，不過吳文華就建議政府增設一個高層機構負責做協調，莫非佢認為創科局局長楊偉雄做唔掂，不如另覓高手？
