獲城市規劃委員會批出三年臨時用地限期嘅新田購物城拖足兩年幾，於今年二月先試業，結果試業半年已到限期，購物城更因續期問題搞到冇人租，冷冷清清，好彩最近已獲批續期三年。而政府就計劃喺古洞南興建農業園，漁農界立法會議員何俊賢尋日就喺相關嘅事務委員會上話，農業園向農戶提供嘅五年租約太短，希望可以延長至八年，甚至更耐。唔通佢見牽頭搞購物城嘅進出口界議員黃定光因續期問題搞到一頭煙，所以諗住學精啲，一早要求延長租約就唔使煩？
