中環出更：漢奸黎又攪局 鬼祟密會林卓廷及神秘人
違法佔領行動（佔中）四周年啱啱過去，立法會亦即將暑假後復會，曾公然參與違法佔中嘅壹傳媒黎智英（漢奸黎），尋日又喺其何文田嘅屋企攪局，不過今次就玩神秘，一架載住其賓客嘅七人車喺中午駛入黎宅，七人車車窗拉上窗簾，無法知悉車中人是誰。而該七人車駛入大宅後，閘門立即關閉，另一架私家車更由大宅停車場開至閘門，以圖阻擋街外人視線。究竟漢奸黎同神秘嘉賓有乜嘢咁唔見得光呢？
另駕車遮擋 惟恐來客身份曝光
尋日中午約十一時三十分，民主黨立法會議員林卓廷先行搭的士抵達黎宅，佢手上拎住個手抽袋，唔知係咪啱啱去完英國，有手信「進貢」畀漢奸黎。其後漢奸黎嘅七人車從大宅駛出，至中午十二時三十分，七人車就返抵黎宅。宅內保安同司機似乎好緊張，不斷行嚟行去，仲特登安排另一私家車駛到閘門以阻擋視線，似係想防止有人見到七人車上神秘嘉賓嘅真面目。
不過，神秘嘉賓並冇逗留好耐，事關大約一小時後，同一架七人車就同漢奸黎乘坐嘅座駕一同駛出大宅，漢奸黎座駕在前，車上仲有一袋袋疑似文件，而七人車則尾隨在後。疑載有神秘賓客嘅七人車「一路向西」循西隧過海，唔止喺沿路左穿右插，進入西隧前更切線超前搶入隧道口，之後就揚長而去，失去蹤影。
卓妮