【本報訊】颱風山竹上月襲港，政府停課不停工，連累大批打工仔女在交通半癱瘓下狼狽上班。不少「災民」仍餘怒未息，昨致電電台節目炮轟政府無能，有人質疑「點解政府乜都做唔到？」直言至今仍然十分憤怒。
政務司司長張建宗前日率領各政策局局長及政府部門首長，到立法會交代山竹的善後工作，遭議員直斥「特首高官係人禍」，而張在會上亦未有代特首林鄭月娥向市民道歉。
深受其害的打工仔更有切膚之痛，市民黃先生在電台節目中指，山竹過後翌日清晨，九巴已宣布全面停駛，東鐵亦只能有限度服務，批評政府明知交通情況欠佳下堅拒宣布停工，「我住大埔，點返工呢？冇巴士、冇火車，點走出去？」
另一市民趙先生則呼籲政府日後留意風災後的交通安排，指教育局今次反應最快，反問政府「有冇當我哋係子民？有冇當我哋係仔女？我住青衣，一出門口先見到大樹冧晒，巴士都開唔到車啦，根本返唔到工。返工嘅人險象環生，係咪要死人冧樓先知我哋嘅生活呢？」