鼠患肆虐，各界鬧爆食環署滅鼠不力，但食物及衞生局局長陳肇始日前竟然賴山竹吹走老鼠竇，啲老鼠走咗出嚟，言論惹起好大反彈。可能知衰，尋日就話食環署會檢討監測同滅鼠方法，仲會喺每區嘅黑點針對性做工夫，同時喺老鼠「食、住、行」方面加以杜絕，例如改善垃圾嘅擺放，無食物嘅誘因畀老鼠，做好教育之餘，食環署亦會做好檢控工作。老實講，鼠患唔係今日先爆出嚟，嚴重影響市民嘅衣、住、行，仲威脅埋健康添，陳肇始依家先嚟補鑊，仲有冇再遲啲，簡直就係唔踢唔郁呀！
