市民對上車置業有強烈訴求，政府計劃填海興建東大嶼都會人工島，希望解決土地供應不足問題，天文台前台長林超英尋日出席電台節目話，全球暖化令海平面上升，好多島國都驚自己國家沉沒，諗緊點樣自救，香港呢個時間去海中心起一個島，就好似「逆住時代、逆住氣候變化」，係一個「逆天行道嘅決定」。佢仲話，人工島所建成嘅樓年年都浸，分分鐘害死人。如果林所講嘅係屬實，發展局局長黃偉綸仲繼續力推東大嶼人工島建議，隨時係「逆天而行」？
