中環出更：漢奸黎密會泛民 佔中四周年前夕攪局
違法佔領行動（佔中）二○一四年發生至今，大部分搞手仍逍遙法外。曾公然參與佔中嘅壹傳媒黎智英（漢奸黎）喺佔中四周年前夕，就喺屋企攪局，座上客包括被踢爆曾秘密收取漢奸黎捐款，之後仲自己「袋住先」嘅工黨立法會前議員李卓人、之前喺網台開咪幫黑社會人士搖旗吶喊嘅民主黨（白鴿黨）「老鴿」李永達、該黨創黨主席「李漢奸」李柱銘，同埋社民連副主席黃浩銘等。唔通漢奸黎又有搞作，要向佢哋發號施令？
尋日中午十二時許，社民連前主席陶君行就揸車載住黃浩銘抵達漢奸黎位於何文田嘅大宅。喺反新界東北衝擊立法會案中被裁定非法集結罪成、原本要坐監，但最終被「放生」嘅黃浩銘，過往亦曾去過漢奸黎屋企，今次獲放生冇耐，又再拜會漢奸黎，兩人真係關係匪淺。
隔咗幾分鐘，漢奸黎嘅座駕亦載住李卓人、李永達同另一白鴿黨「老鴿」、立法會前議員單仲偕（（先刂）雞）到黎宅。之後李漢奸同白鴿黨立法會前議員「AV仁」何俊仁亦各自搭車同的士到達。
約3小時後 6人各自離開
漢奸黎同七人喺黎宅密會咗約兩小時之後，即約下午二時許，陶君行就步出大宅，喺大宅嘅停車場食煙，見佢大啖吸煙，唔知係喺宅內太悶，定係煙癮發作，煲完煙佢再返回大宅內。眾人直至約下午三時許，先至離開黎宅。
陶君行同黃浩銘自行揸車走，漢奸黎架七人車就接載李永達、李卓人、（先刂）雞、AV仁同李漢奸離開。李永達、李卓人同（先刂）雞先喺旺角警署落車，架車再經西隧過海至中環，AV仁落車後再送李漢奸返回其寓所。漢奸黎同佢哋密會成三小時，唔知又喺度商量乜嘢大計喇！
卓妮