政情：基本保障 章曼琪唔怕保險經紀

籲年輕人盡早購買

嶺南大學校董及諮詢會委員章曼琪（Katherine）日前出席一個有關香港保險業未來發展嘅論壇時就話，保險其實係每個人最基本要有嘅保障，所以唔使怕咗啲保險經紀，事關如果經紀解釋得好，係可以學到好多嘢o架！

Katherine認為，一個健全嘅理財組合，要有現金，亦要有股票等風險同回報都較高嘅投資，仲要有保險。因為保險嘅回報比較穩定，亦唔會好似現金咁收得好少利息，認為每個人都應該要買。佢仲呼籲年輕人應該盡早購買保險，保費仲可以平啲嘛！

其實佢初初都唔太信保險，但身邊有投身呢個行業嘅朋友游說過佢，加上自己以前從事金融業，同保險都息息相關，所以之後自己都研究吓，學識計之後就開始試吓買，依家望番轉頭都覺得自己好彩。