政情:公民講場:食署滅蚊隊蛇王 劉利群有排煩

早前有人踢爆食環署懶懶閒,滅蚊求求其其,導致蚊患愈嚟逾嚴重,喺爆發登革熱之後,食環署備受批評,先出嚟密密做騷補鑊。點知沒有最懶,只有更懶,眼見登革熱愈爆愈多,食環署屯門區防治蟲鼠組其中一隊被踢爆蛇王,竟然喺上班時間行街買衫、公園瞓覺,有啲仲返埋屋企,全日工作只係三粒鐘。依家外界鬧爆滅蚊不力,竟然仲縱容員工蛇王,究竟要滅蚊定捉蛇先呀?連班o靚都管唔掂,食環署署長劉利群都唔知點做嘢,咁大鑊,孭硬喇!

第一手消息請下載on.cc東網iPhone/iPad/Android/Windows Phone Apps