朝比奈祐未引股自傲

不知幾多女仔希望擁有一對美巨乳,之不過有人鍾意亦有人討厭,甚至唔少巨乳妹因為胸大引起生活上不便,而去做縮胸手術。至於最近人氣火速上升嘅巨乳美人兒朝比奈祐未亦唔多欣賞自己對巨乳,反而欣賞又圓又大嘅美尻,更引以自豪。

質素超班

喺日本寫真界要搵到一位身材豐滿又靚女嘅女優唔難,但係身材豐滿之餘,加埋肉地結實且肌膚白皙就最好不過喇!好似「夏日之女」久松郁實就係肉地結實又曲線玲瓏,但係膚色偏黑,唔係人人都鍾意呢種膚色。喺身材上能夠與郁實匹敵嘅女優唔容易搵,好彩今日就搵到一個,佢就係朝比奈祐未喇。

今年26歲嘅朝比奈祐未生得一副俏麗面孔,然而性格比較Cool,拍寫真時表情總係不苟言笑咁,冷艷嘅表情營造出冰美人形象,吸引唔少喜歡挑戰難度嘅男士去探索。除咗樣子之外,身材更加值得男人細心用肉眼品嘗一番,祐未擁有一副超絕品胴體,肉地結實有彈性,皆因阿妹每日都會去健身室做運動,配埋一對G奶以及桃子形美尻,呢副偈簡直係無懈可擊!

懷舊彈起

阿妹未曾做寫真女郎嘅時候,一心諗住向演員方向發展,為咗完成呢個心願,佢入讀多摩美術大學並修讀演戲課程。畢業之後,祐未獲得藝能事務所簽約成為演員,之不過人生有好多事情都唔可以由自己一手掌握,簽約之後際遇欠佳,只係得寥寥可數嘅演出機會。所謂前面是絕路,希望在轉角,喺2016年祐未為咗搵食及增加曝光率,於是展開寫真之路!阿妹呢個決定真係冇錯,向大家展露超絕品胴體之後人氣急上升,寫真作品亦獲得相當理想嘅成績,好似第三隻寫真DVD《君のヒナ。》就喺亞馬遜網站嘅預購排行榜中奪得冠軍位置。而講到祐未成為大家焦點嘅對象就要數到今年,推出第一本寫真集《アサヒナ画報》劍走偏鋒,以60年代懷舊元素為主題,加上全裸演出,成功引起廣大觀眾注目,銷量成績理想,更成為大型書店書泉嘅寫真集銷量排行榜第三位添!祐未表示往後會有更加多激情演出,希望大家繼續支持佢,而激情演出多數以美尻為主,因為祐未一直以來都以美尻自豪,飽滿嘅G奶只不過係為身材錦上添花喎!

社交網站

簡介:朝比奈祐未近期人氣高企,除咗密密出席作品宣傳活動,為咗保持身材苗條以吸引觀眾,經常去做健身同自拍,並上載到社交網同粉絲分享,大家不妨Click上去欣賞一下祐未努力健身而得來嘅弗爆身材喇!

網址:https://twitter.com/yumiasahina129

朝比奈祐未Profile

年齡:26歲

身高:5呎4吋

三圍:35-23-35

撰文:賢