舊樓(車立)頻故障 大減載客量
【本報訊】荃灣另一幢有五十多年樓齡的舊樓同樣面對升降機老化問題，升降機的載客人數更因此大縮水，由限載九人減至五人。業主立案法團主席楊先生指升降機兩、三年前開始經常壞(車立)，現時升降機設定只可載五人，「如果有第六個人衝入(車立)，我一定衝番出去，因為唔想消防又要嚟招呼」。
楊先生指大廈樓高十一層，兩部升降機曾出現多次故障，其中一部升降機三、四個月前「曾經成個摩打跌落嚟，好彩當時無人，(車立)槽鋼筋又石屎剝落」。他又指數月前一位伯伯乘坐升降機期間，升降機突然故障「墜一墜」，情況恍如「跳樓機」，嚇得伯伯不停敲打(車立)門，非常危險，幸好消防員及時趕到，最終被困四十五分鐘，「年紀大嗰啲真係好慘，嚇到心都離埋」。記者採訪當日其中一部升降機(車立)門亦突然出現半開合情況，未能關上。
楊表示，升降機公司曾報價更換兩部升降機，盛惠二百多萬元，即每戶需支付約二萬多元，但大廈早前已進行大維修，每戶支付數萬元，如再要住戶出資二萬多元，經濟上難以負擔，希望政府盡快推出資助維修升降機計劃。
署方巡查竟稱運作正常
機電署指已於本月廿二日派員到場巡查上述升降機，確認升降機運作正常，沒有安全問題或下墜情況。該升降機已運作超過五十年，屬舊式設計，已在三月發信建議業主立案法團盡快為升降機進行優化工程。