香港近日爆發登革熱，仲要患者唔止喺同一個源頭感染，食環署亦隨即進行滅蚊工作。其實一到夏天就會有蚊患，俗語都有話防患於未然，家陣食環署後知後覺，等到出晒事先補鑊。唔單止登革熱，食環署連票控都亂嚟，早前有一拾荒婦明明執垃圾，但就票控揼垃圾，事件鬧到滿城風雨先話決定撤控。衞生問題又搞唔掂，票控又亂咁嚟，食環署瓣瓣都唔掂，淨係識得補鑊，署長劉利群擺明失職喇！
