香港人口老化持續，安老服務需求趨增。勞工及福利局局長羅致光尋日發表網誌，話用咗三年去籌備《安老服務計劃方案》，又以數白欖式講正面對嘅問題，好比規劃唔再由上而下，要大幅加強社區照顧服務唔可以一蹴即至，更唔係「有錢」就搞掂，要解決人手同土地不足問題喎。其實係人都知有咩問題，羅致光一再陳腔濫調，滋滋油油咁蹉跎時間，講咗當做緊，不如認真做實事，好過嘥時間寫網誌，寫嚟寫去都係三幅被嘞！
