政情:公民講場:公院專科愈排愈耐 陳肇始齋噏無策

公立醫院嘅專科門診輪候時間又延長,醫院管理局最新數字顯示,骨、眼、兒、內、外、耳鼻喉同精神科門診嘅聯網平均輪候時間都較四月調查時長,而重災區係骨科,平均輪候時間約2.3年,有病人家屬直斥輪候時間過長,服務短缺好似逼人睇私家醫生。話時話,公院長期逼爆,醫護人手都唔夠,但係衞生及食物局局長陳肇始一味話會有短中長期措施,如果真係紓緩到,條隊就唔會愈排愈長,愈排愈耐喇,陳肇始淨係齋噏有鬼用咩!

第一手消息請下載on.cc東網iPhone/iPad/Android/Windows Phone Apps