政情：劉頴匡「多得選舉主任」 DQ後生活隨心所欲
本土派劉頴匡今年初報名參加立法會新界東補選，但被指支持港獨最終未能「出閘」，遭當區選舉主任取消參選資格（DQ），而事隔半年，劉於社交網站突然談及被DQ後生活，包括可以隨心所欲着波衫出街，甚至可以當街講粗口，而且好長時間已經冇Gel頭出門喎。
劉於社交網站發貼談及近況，首先稱多得選舉主任襄助，呢半年可以玩真心喜歡嘅遊戲，睇自己真心想睇嘅球賽，其後又話若然唔係被DQ，「大概還在所謂政治圈中載浮載沉，困擾於諸多人情世俗中，煩惱喺各種新聞時事之內」。
不排除再涉足政治
之不過，劉其後疑為自己留有退路，稱假若有朝一日陰差陽錯再涉足政治，呢段日子將會係寶貴經歷。究竟劉會否有陰差陽錯嘅一日，時間將會證明一切。