選舉管理委員會上星期公布明年區議會選區劃界建議，其中離島區議會方面，建議將兩個長洲選區合併，即兩席變一席，而長洲被刪減嘅一個議席就撥畀東涌選區，惹來長洲選區議員極度不滿。連多咗一席嘅離島區議員周浩鼎都唔領情，喺尋日嘅離島區議會特別會議上，鬧爆選管會主席馮驊「離地」，明知東涌選區人口增多都唔肯直接增加議席，反而去攞人哋長洲嘅席位過嚟。自從選區劃界公布後，受影響嘅區紛紛跳出嚟炮轟，睇嚟馮驊有排煩喇！
