中環出更：漢奸黎密會泛民 九西補選又攪局？
壹傳媒黎智英（漢奸黎）同泛民主派有千絲萬縷嘅關係，周不時喺佢位於何文田嘅寓所密會攪局。漢奸黎尋日中午又同民主黨（白鴿黨）兩名前主席何俊仁（AV仁）同李永達（高達）、民主動力前主席鄭宇碩及工黨嘅立法會前議員李卓人會面喇！咁啱近排民協前主席馮檢基（阿基）出書大爆上次立法會九龍西補選「屈基」嘅內幕，鬧爆鄭宇碩想盡辦法喺初選勸退佢，唔知今次會面係咪又想喺嚟緊嘅九西補選攪局呢？
會面後乘車直奔機場
漢奸黎喺尋日中午約十二時五十分乘座駕返回寓所，隨後一輛七人車抵達，AV仁、高達、鄭宇碩同李卓人先後落車，四入進入漢奸黎嘅寓所密會約個半鐘後，一身輕裝兼孭上背囊嘅漢奸黎先乘坐座駕離去，直奔機場。
九西議席第二輪補選將於十一月舉行，泛民推舉邊個出選仍未有共識，負責協調補選嘅民主動力亦將開會商討。咁啱阿基出書鬧爆鄭宇碩同議會陣線嘅立法會議員朱凱廸，想盡辦法喺上次九西補選嘅「初選」中「飛起」佢，係不民主、反民主。漢奸黎揀呢個時候同眾人密會，係咪又想攪亂檔呢？
卓妮
