南山上空出現 飄近電線杆
【本報訊】南山上空出現，飄近電線杆！疑是滑翔傘失蹤前最後一刻。本報讀者目睹一隻疑是涉事滑翔傘，曾飛到南山一帶山頂，料成為今次搜索的重要線索。據居住東涌的潘先生透露，前日下午一時許，他偕妻子乘坐由東涌開出往梅窩的3M巴士，沿東涌道途經伯公坳頂時，看見約五隻滑翔傘在天空飛翔，他稱：「我太太當時仲話『乜原來香港有人玩呢啲0架』。」
當巴士途至東涌道與嶼南道交界的迴旋處時，潘憶述稱：「有三隻（滑翔傘）已經飄咗向貝澳嗰邊，喺我哋左手邊，後尾都見唔到喇，另外有啲理應係落去長沙沙灘嗰邊。」巴士一直行駛，經過貝澳後，再駛上南山營地一帶，在距離梅窩尚餘約七分鐘車程時，他指：「見到零零舍舍有一隻喺山頂位，喺我哋左手邊嗰堆山頂，都好高吓，因為嗰度有唔少電線杆，我太太仲好擔心咁話『嗰度有電線杆喎，怕唔怕0架……。』之後巴士繼續駛向梅窩，我哋之後再見唔到佢喇。」
與救援員估計降落位置脗合
被問及涉事的滑翔傘當時有否任何異樣，潘表示：「覺得好奇怪囉，點解會飛到咁近山頂，有電線杆0架喎，滑翔傘點會去到嗰度……。」潘又指，當時並無落雨，天色陰暗，但就未知風力如何。翻查地圖，潘所指的有機會是南大嶼郊遊徑附近一帶，與救援人員估計的降落位置脗合。
