政情：今日你上鏡：鍾國斌呻溫莎堡「淪陷」
立法會收爐放暑假，好多議員都會趁機出遊充吓電，紡織及製衣界議員鍾國斌（Felix）都唔例外。Felix尋日喺社交網站上載咗幾張相，見嗰度天氣唔錯，藍天白雲，佢一時企喺古堡前影相，一時攤喺木櫈曬太陽。原來佢身處英國，身後嘅古堡就係溫莎堡嘞！
見佢好優哉游哉，不過佢猛咁呻，以前入去溫莎堡唔使排隊，自從哈利王子同梅根（英國薩塞克斯公爵夫人）喺嗰度結婚之後，出晒名即淪陷。依家入去要排個幾鐘，仲要成二十鎊（約二百港元）入場費添，話睇怕呢個皇室婚禮應該好快就回本喎！
（互聯網）