港府出名恐洋懼外，連洋奴漢奸都驚佢有牙，好似律政司吖，對住壹淫媒老闆漢奸黎唔止變咗鵪鶉，庇奸護淫直情出晒面，要幾肉酸有幾肉酸，唔怪得有人話係玉皇大帝第九個孫，簡稱玉九孫！
呢嗱，漢奸黎舊年「六四」粗口辱罵兼涉嫌刑事恐嚇東方報業集團記者，有相有片鐵證如山，成件事黑白分明，事隔超過一年，東方先後八次致函律政司追問檢控進展，點知成個部門都裝聾作啞兼扮盲，一係唔答，一係答完等於冇答，閃閃縮縮，唔知嘅仲以為律政司想學岳飛，要出動十二面金牌至叫得佢郁。東方忍無可忍，將第八封信件副本抄送中聯辦、港澳辦及特首辦，結果律政司轉頭就覆，打針都冇咁快。
老規矩嘞，律政司覆信又係三幅被，話檢控與否要視乎「案件性質」同「證據數量」，查實東方八問律政司，無非想知告唔告，幾時告，唔告又憑咩標準，咁嘅小學雞問題都連續八次得到肥佬答案，大學生級問題仲得了？
最肉酸嘅係，律政司今次居然話係咪檢控要「諮詢法律意見」。咁就好笑嘞，律政司本身已係法律部門，其他執法機關都要向佢諮詢法律意見，家陣居然話要再諮詢，唔通要問過英國御用大狀先？早排區域法院審理一單財務詐騙案，律政司無喇喇放生兩名被告，連主審法官都大嘆律政司大晒，偏偏一講到漢奸黎刑恐記者就要「集思廣益」，好心庇奸護淫都搵個好啲嘅藉口喇。
大家有眼見，漢奸黎恐嚇記者、涉嫌操控黑金、策動佔中以至僭建大宅，律政司統統唔敢告，唔敢做，單單冇事，換咗係普通市民有冇呢支歌仔唱呢？試諗吓，若然有個肥佬身形好似漢奸黎咁款嘅，通街向人恐嚇「×你老母×」、「搵人搞×你」、「影×咗你相」，之後肥佬自首，咁律政司告唔告呀？如果告一個唔告一個，咪即係雙重標準，公信力蕩然，試問點樣面對廣大納稅人，仲有乜存在價值？
港府就係咁嘅嘞，外部勢力老虎屁股唔敢摸，連佢哋豢養嘅漢奸走狗尾巴都唔敢碰，除咗漢奸黎，反對派政客個個都好似有免死金牌咁款。有人質疑，回歸之後律政司有一份名單，專門保護反中亂港嘅外部勢力走狗，否則根本解釋唔到所有亂象。律政司係咪有任務、有私心，甚至食過漢奸黎嘅飯，唔該交代呀！
反中亂港過到骨，愛國愛港就死得，呢個就係香港嘅寫照，律政司呢個廢料部門又叫「亂政司」就係咁解。不如各位讀者估吓，東方仲要出幾多封信，玉九孫先至肯做嘢呢？