港鐵沙中線簡直係豆腐渣工程，先有嚴重漏水，後有鋼筋造假，醜聞爆不停下，政府最近先開始着手跟進，署理特首張建宗、發展局局長黃偉綸尋日都有公開回應，話已透過路政署、跨部門小組等要求港鐵、工程承建商禮頓等交報告、交報告同交報告。嘩！啲工程問題一單嚴重過一單，政府都只係識得叫人交報告，仲要連督促港鐵交報告都做唔到，咁都怪政府後知後覺，若果一開始就跟番緊啲，做好監管工作，就唔會搞成咁喇！
