媽媽生小朋友非常辛苦，唔少爸爸都想有多幾日假可以陪老婆。政府前幾日刊憲建議將目前三日嘅男士侍產假增至五日，勞工及福利局局長羅致光尋日就自詡「成功爭取」，事關早喺二○○一年佢出任立法會社會福利界議員時，即提出要有十四日侍產假，羅仲話當時開價係「超時空嘅高」喎！估唔到事隔十七年，佢先知自己當年獅子開大口，如果佢做議員時貼地啲，一眾爸爸們咪可以多啲時間照顧屋企人囉，難為佢仲好意思話成功爭取喎！
