廣深港高鐵香港段早前試車，被揭發「甩轆」事件後，再爆出喺上月試車期間，米埔隧道出現嚴重地下水滲漏，令試車一度叫停。話時話，高鐵預計今年第三季通車，距今只剩低幾個月，但甩漏就爆唔停，都咪話唔驚，有立法會議員已要求政府當局公開交代，呢頭立法會審議緊一地兩檢草案，面對反對派阻撓，更加不容有失，嗰頭又爆出高鐵試車有問題，睇嚟陳帆必定好頭痕，唔知顧得邊度？
