政情：八網難逃：卿姐巧遇腳傷李華明

冇得做運動變增磅

事緣係阿Fred早前因打籃球時唔不小心整斷咗腳跟韌帶，做咗手術後有一段時間需要坐輪椅，其後則需要以拐杖輔助。阿Fred接受查詢時話估計現時嘅康復情況達九成半，但有時坐得太耐仍然會感到痛楚，甚至唔能夠蹲下同跑步，仍需要做物理治療。

阿Fred話幾個月前重遇廿幾年前一齊打籃球嘅朋友，由於心情興奮，自己未有做好熱身就落場，搞到整傷腳跟韌帶。佢話喺事件過後有陰影，以後都唔會再打籃球嘞！佢又透露，因腳部受傷，導致有兩至三個月無法做運動，搞到增磅。雖然唔再打籃球，但佢依然會做運動，喺完全康復後會繼續打乒乓球同游水。