笑看天下:一講露底兼離地

本港電視台記者在四川採訪汶川大地震十周年期間遇襲,林鄭月娥當時正在當地出席悼念活動,她對事件表示關注,話一知道呢件事就即刻聯絡國務院港澳辦同埋四川省港澳辦要求徹查,並強調「傳媒在外地及內地合法採訪,需要受到尊重」,正義凜然到字字千鈞!不過老朽回心一想,在外地及內地合法採訪需要受到尊重,咁喺香港就唔需要?

老朽的疑惑並非亂咁猜想,君不見東方記者去年於六四集會上進行合法採訪,期間被壹淫媒老闆黎智英粗口辱罵及恐嚇,事件有片有真相,證據確鑿,可是律政司拖咗將近一年,仍然當冇事發生!林鄭講到咁尊重新聞合法採訪自由,何以對本報記者合法採訪受刑恐不置一詞?仲有啊,既然律政司司長鄭若驊咁受佢倚重,應該冇理由唔尊重新聞自由及維護記者嘅正常採訪,試問何以東方前後六次去信質疑,第六次更是受害記者親自去信,但鄭若驊依然置若罔聞?

林鄭口是而心非,講一套做一套,虧佢早前仲喺一個典禮上大言不慚話「新聞與言論自由,是香港社會的柱石,也是香港成功之道」。唉!唔講好地地,一講露底兼離地。林鄭愛將鄭若驊不但放生漢奸黎嘅黑金案,連鐵證如山嘅刑恐本報記者都唔敢告,看官,這明明是對新聞自由的踐踏,試問何來尊重?鄭若驊身為律政司司長,對記者的追問十問十唔答,赤裸裸呈現其傲慢。

一個人言行不一,不就是孔子所指的「君子恥其言而過其行」嗎?有學者認為,一個人明明沒有道義之心,卻說是為了捍衞道義,那就有三分之一的可能,此人是偽君子;如進一步,發現被害人沒有反駁機會,那麼,三分之一的可能就上升到三分之二;如果再進一步,發現此人刻意把自己打扮成「社會良心」,那麼,所有的「可能」立即轉化為「肯定」,亦即係話,此人百分百是偽君子!