審計署報告批評當局活化使用該等堆填區嘅進展緩慢，喺尋日嘅立法會帳委會會議上，有委員質疑政府早喺一四年公布預留十億元為活化已修復堆填區提供資助，但至去年底仍未批出第一批申請，然而環境局局長黃錦星同環保署嘅官員解畫，話修復堆填區有好多程序，要安排申請團體實地視察，又要諮詢區議會等等，多個環節都需要時間。咁講都係想話總之急唔嚟喇，咁黃錦星有冇諗過可以減省吓啲程序，而唔係歎慢板呢？
