立法會尋日繼續審議預算案，多名議員提修正案要削減創新及科技局局長楊偉雄嘅全年薪酬同該局開支，議員鄭松泰仲鬧爆話當局批出四百五十萬元畀街坊福利會研發教長者八段錦嘅手機App，但現時社區已有教長者八段錦嘅活動，又質疑有關程式並非「創新科技」，仲話「少林加功夫就係新嘢咩？」老實講，亂使錢嘅豈止呢單，政府過去兩年使咗逾千萬元搞咗好多廢App，冇人用，簡直係倒錢落鹹水海，減楊偉雄全年嘅薪酬都未必補得番呀！
