政情：阻議員提問 盧偉國「食咗火藥」

話只係作出提醒

陳恒鑌喺會議上話就工程中嘅泊車位問題提問，但盧偉國就話政府當局已喺會議上作回應，建議陳恒鑌將時間放喺其他提問上。陳則回應指自己係今次會議中首次發問，而且係自己嘅發問時間，三度要求盧稍安毋躁，兼尊重同聆聽佢嘅發問，但盧則指自己係作出提醒，仲話唔係火藥問題，隨即繼續畀陳發問。

另一名議員鄭松泰由於唔係民政事務委員會嘅委員，所以喺工務小組上問及有關文化中心嘅命名問題，被盧偉國提醒佢應該喺立法會大會或事務委員會上提問，但鄭反指盧應預留時間畀政府回應。

而劉國勳再就車位同鄰近用地嘅問題發問，則被盧指政府已作回應，甚至日後會有補充文件，但劉質疑政府嘅補充文件未必足夠，而盧則希望議員集中發問，更指劉嘅發言時間已到，唔畀佢提問。