立法會尋日辯論推動電動車普及化議案，航運交通界議員易志明批評現時本港對電動車嘅配套不足，仲鬧爆現時每年需處理約二十萬個舊電池，但依家只可處理約五萬個，其餘十五萬個喺未經處理下被棄置喺堆填區，令當中有毒物質禍害環境，政府必須正視呢個問題。咁講，矛頭直指環境局局長黃錦星，事關佢大力推動環保車，但就懶理啲舊電池，本來係保護環境變咗破壞環境，孭晒鑊喇！
