中環出更：入不敷支 立會紀念品店年年蝕

立法會秘書處回覆議員預算案問題，披露紀念品店嘅營運情況，根本係蝕住做。秘書處指出，一五/一六年度，紀念品店嘅開支約八十三萬元，但收入只有近六十萬元，蝕近二十四萬元；一六/一七年度嘅開支增加，但收入卻減少，該年度嘅開支為八十六萬元，但收入只有約四十九萬元，蝕近三十七萬元，而一七/一八年度首十一個月，開支約為四十一萬五千元，但收入不足四十萬元，預計入不敷支嘅情況持續。呢個年度嘅開支較上年度減少逾半，主要係期間減省咗兩名售賣部人手。

金屬書籤最好賣

至於最好賣嘅紀念品，過去三年都係金屬書籤，賣出逾一千五百張，其次係立法會綜合大樓襟章或鑰匙扣。秘書處又指出，《議事規則》嘅舊版本已售罄。由於立法會早前修改咗議事規則，故需要改版。

卓妮