政情：公民講場：取消強積金對沖羅致光講就兇狠

喺取消強積金對沖嘅加碼方案出台後，商界認為補貼期短唔收貨。勞工及福利局局長羅致光前日喺網誌強調政府改善強積金制度係決心，取消對沖制度係勢在必行，而尋日又話延長補貼期並非無可能，但須謹慎考慮，現時提出嘅十二年補貼期跨越三屆政府已相當長，若要跨越四屆政府就更過分。雖則羅致光依家講得兇狠，都係想商界唔好再開價，之但係商界覺得唔啱聽，可以反枱唔同你傾，到時咪又係打回原形，乜都做唔到。