中環出更：網站「賣廣告」陸頌雄轉做渠王？

正所謂民生無小事，立法會勞工界議員陸頌雄（Michael）近日喺社交網站發貼，就話服務咗街坊十六年，屋企爆渠就記得搵佢，即刻惹起熱議，唔少網民留言笑問Michael係咪要做渠王？

係咪想轉行呀？Michael話其實發貼都係想提吓居民，「我都係區議員嚟」，平時會幫街坊跟進大小事。佢舉例話，有時房屋署做嘢有手尾，佢就會親自去「捉」班職員上樓，幫街坊做維修，如果街坊經濟上有問題，就會搵義工幫忙。佢又戲言，區議員都要識通渠係一個傳說，意即連通渠都要跟。

佢仲打趣咁話，自己喺屋企點泵都搞唔掂，唔知點解通渠佬一下就得，覺得好神奇。佢又話依家未識通渠，而每年暑假都會搵唔同工種去做體驗，考慮緊今年暑假可以去學吓喎。

卓妮